Sërish bombardime në Rripin e Gazës, një mjeke palestineze humb 9 fëmijët në një natë 24/05 13:39
Trupat kufitare indiane qëlluan për vdekje një person që sipas tyre kishte kaluar kufirin ndërkombëtar dhe nuk iu bind urdhrave për t’u ndalur, njoftoi Forca e Sigurisë Kufitare të Indisë (BSF).
Ngjarja ndodhi të premten në mbrëmje në distriktin Banaskantha të shtetit Gujarat, pranë gardhit kufitar që ndan Indinë nga Pakistani.
Sipas BSF, personi i dyshuar po përparonte drejt gardhit dhe pavarësisht sfidave, ai vazhdoi rrugën, duke detyruar trupat të hapnin zjarr dhe ta neutralizonin në vend.
Fotografia e publikuar nga policia tregon trupin e një burri me flokë të thinjur.
Ky incident vjen dy javë pas një armëpushimi mes Indisë dhe Pakistanit, i cili erdhi pas një konflikti katër-ditor të shkaktuar nga një sulm militant në Kashmir, ku u vranë më shumë se 70 persona.
Guardian shkruan se qeveria indiane akuzoi grupe të mbështetura nga Pakistani për sulmin dhe nisi kundërsulme të synuara ndaj infrastrukturës dhe kampeve terroriste përtej kufirit. Pakistani i kundërpërgjigj duke qëlluar me raketa ndaj objektivave ushtarake indiane.
Pas armëpushimit, India paralajmëroi se çdo sulm terrorist i ardhshëm do të konsiderohet si akt lufte.
Pakistani ka mohuar përfshirjen në sulmin e Kashmirit dhe ka akuzuar Indinë për rritjen e sulmeve militante në territorin e vet, veçanërisht në rajonet Balochistan dhe Khyber Pakhtunkhwa.
Akuzat e ndërsjella vazhdojnë të tensionojnë marrëdhëniet mes dy vendeve fqinjë.
Top Channel
