Macron me mesazh të qartë nga Tirana: Shqipëria për dy vite në BE! Edi Rama ka arritur rezultate, investoni këtu

Ndërsa të shtunën, përqafimet shkuan për shefin e opozitës italiane, Mateo Renzi pak përpara nisjes të forumit Ekonomik Ndërkombëtar, Future Investment Initiative.

Përqafimi me Renzin ndodhi në prezencën e Mohamed Alabbar ndërtuesit të Marinës në Durrës, ndërsa pak metra më tutje ishte bashkëshortja e Ramës, zonja Linda Rama folëse në këtë forum. Kryeministri Edi Rama foli për kryetemën botërore ekonomike të javëve të fundit pas anoncimit të tarifave prej presidentit Trump.

“Besoj dhe vazhdoj të besoj me të gjithë fuqinë time se kur Donald Trump thotë se “Zoti e shpëtoi se ka një plan për Amerikën”, ai thotë në fakt vetëm gjysmën e së vërtetës. Unë besoj se gjysma tjetër e së vërtetës është që Zoti e shpëtoi sepse ka një plan edhe për Europën. Dua ta ndaj me ju këtë bindje që kur dëgjova presidentin e SHBA të fliste për një epokë të artë që po afronte, ndjesia ime ishte që në fakt duke i uruar më të mirën sigurisht SHBA-së, që një epokë e artë mund të çelet edhe për Europën. Gjithçka do të varet nga sa shpejt do të mendojmë jashtë kornizës, sa do të veprojmë dhe do të kuptojmë që në këtë botë, ku çdokush tjetër po bën të pamendueshmen, Europa ka vazhduar të mendojë, njësoj siç mendonte përpara këtij momenti të shfaqur në jetën tonë”, tha Rama.

Ne, tha presidenti Macron, duhet ta trajtojmë këtë treg të përbashkët në 3 sektorë kritikë, telekom, energji dhe financë.

“Ideja ime për Europën, është që duhet të përfitojmë nga mundësia për të përshpejtuar dhe për të pasur një strategji të qartë konkurueshmërie duke vendosur investimet si përparësi kryesore, dhe t’i bëjmë më të fuqishme. Na duhet përshpejtim e konkurrueshmëri dhe kjo është thelbësore. Natyrisht që ka raporte të mrekullueshme që bëjnë shumë të qartë atë çfarë duhet të bëjmë, por kjo konkurrueshmëri duhet të mbështetet në thjeshtim. Duhet të harmonizojmë rregulloret tona dhe t’i sinkronizojmë me pjesën tjetër të botës”.

Top Channel