Përleshje mes një turisti britanik dhe shoferëve të taksive në Bali, shikoni videon

Sipas gazetës Daily Mail, një incident i dhunshëm ndodhi të enjten në mëngjes në një parking në zonën e Bandungut, Bali, me protagonist 30-vjeçarin britanik Brandon Joseph. Sipas raportimeve, Joseph sulmoi pa ndonjë provokim shoferin 31-vjeçar Herlindo Emmanuel Nino, pasi ky i ofroi një udhëtim, duke vërejtur se turisti dukej “i hutuar” sapo kishte dalë nga një furgon i bardhë.

Dyshohet se Nino e pyeti Josephin pse e kishte goditur, por britaniku e sulmoi përsëri pa asnjë paralajmërim, duke e goditur rëndë dhe duke i shkaktuar lëndime serioze. “Autori e goditi viktimën në buzë derisa i thyen dhëmbët e përparmë”, deklaroi një zëdhënës i policisë për agjencinë e lajmeve detikBali.

Pamjet nga vendngjarja tregojnë Ninon, i veshur me një bluzë të kuqe dhe me gjak në fytyrë, duke qëndruar duarkryq, ndërsa shoferë të tjerë të taksive lokale sulmuan Josephin, i cili ishte gjysmë i zhveshur dhe kishte veshur vetëm një palë pantallona të shkurtra të zeza. Në rrëmujë, një burrë tjetër me këmishë të grisur u përpoq të largohej nga vendi, ndërsa Joseph, pasi u përball me turmën, vrapoi drejt furgonit të bardhë, të cilin vendasit filluan ta gjuanin me gurë.

Pak më vonë, në vendngjarje mbërriti policia dhe arrestoi Josephin. Ai u dërgua fillimisht në Spitalin Bali Jimbaran për një vlerësim mjekësor, përpara se të shoqërohej në stacionin e policisë për t’u marrë në pyetje.

Autoritetet po hetojnë ende rrethanat e ngjarjes. Fotografi të publikuara nga vendngjarja tregojnë Josephin me një fashë në kokë jashtë stacionit të policisë. Sipas informacioneve, britaniku banonte në Canggu, një zonë bregdetare e njohur në Bali për vijën e saj të bukur bregdetare dhe jetën e gjallë turistike.

Top Channel