Përfundon numërimi i votave brenda vendit, dalin shifrat zyrtare: 55 mijë vota të pavlefshme 14/05 00:46
Ministri i Ekonomisë, Kulturës dhe Inovacionit, Blendi Gonxhja në një lidhje të drejtpërdrejtë për “Top Story” në Top Channel, komentoi zgjedhjet e 11 majit dhe rezultatin e opozitës.
Gonxhja, i cili ka siguruar mandatin e deputetit, u shpreh iu dhimbs PD e drejtuar në këtë formë, ndërsa shtoi se ‘janë krejtësisht out’.
“Ai nuk ka nevojë ta thotë pasi është e parathënë (referuar Berishës për njohjen e zgjedhjeve). Mishëron në tërë qëndrimin e tyre sesi veprojnë politikisht, nuk njohin asnjë rezultat. Për ata qëllimi justifikon mjetet. Mua më dhimbset PD e drejtuar në këtë formë, në anën ekonomike. Janë krejtësisht out, nuk janë në terren, nuk merren vesh me njëri-tjetrin”, tha ai.
Më tej ai komentoi votimin e së dielës, ku mori vëmendje për menyrën se si u paraqit. Gonxhja ishte i shoqëruar nga bashkëshortja e tij dhe qeni i tyre.
“Mua më pëlqen të shkëlqej te puna. Kemi dhe Lokin që është maçoku ynë, por e lamë vetëm pasi nuk e merrnim dot”, tha ai.
Top Channel
