Arrihet marrëveshja për mos mbylljen TikTok në SHBA, akordi mund të nënshkruhen të enjten nga Trump dhe Xi Jinping 27/10 23:00
Në atë që ndoshta do të hyjë si një nga ditët më të sikletshme të sezonit për Manchester Cityn, skuadra e Pep Guardiolës nuk arriti të mposhtë Southamptonin – ekipin e fundit në renditjen e Premier League dhe një nga më të dobëtit në historinë e kampionatit anglez.
Takimi përfundoi 0-0 në “Etihad Stadium”, me Cityn që grumbulloi 26 gjuajtje pa arritur të gjejë rrjetën, duke dështuar të barazojë pikët me Arsenalin në garën për një vend në top-4.
Ky barazim nuk ishte thjesht një ndalesë zhgënjyese – ishte një shuplakë për ambiciet e Cityt për t’u rikthyer fuqishëm në fundin e sezonit. Për më tepër, ajo erdhi përballë Simon Rusk, trajneri i tretë i Southamptonit për këtë sezon, një emër i panjohur për shumicën e tifozëve, por që tani do t’i kujtohet mirë Guardiolës.
Southampton, tashmë i rënë nga kategoria, siguroi pikën e 12-të në kampionat – duke shmangur rekordin famëkeq të Derby County për sezonin më të keq ndonjëherë në Premier League.
Për Cityn, ky ishte një hap fals i madh para finales së FA Cup në fundjavë, ndërsa Guardiola e kishte përshkruar këtë si sezonin e tij më të vështirë që prej se mori drejtimin e klubit në 2016.
Me një prapavijë që ka pranuar 82 gola këtë sezon, Saints arritën të mbrojnë me sukses përballë një prej sulmeve më të frikshme të Evropës – me Bednarek, Stephens dhe Harëood-Bellis që dhanë gjithçka në fushë.
Ndërkohë, në sfidat e tjera, Aston Villa triumfoi përballë Bournemouth me rezultatin 0-1, duke ngushtuar diferencën me Cityn, ndërkohë, Evertoni mundi 1-3 Fulhamin, Ipswich u mposht 0-1 nga Brentford dhe Brighton triumfoi 0-2 në transfertë përballë Wolves.
Top Channel
