Ka dështuar formimi i komisionit për votimin e fshehtë kësisoj është ndërprerë edhe seanca konstituive e Kuvendit të Kosovës, për të vazhduar të premten më 9 maj në orën 10:00.
Procesi ka ngecur prej javësh pasi partia fituese, LVV, nuk po arrin t’i sigurojë votat e nevojshme për kandidaten e saj për kryetare të Kuvendit, Albulena Haxhiu.
Ajo shihet nga disa parti parlamentare si “figurë përçarëse”, por LVV ngul këmbë se ajo është kandidate meritore. Së voni ka pasur lëvizje për zhbllokimin e ngërçit, por asnjë marrëveshje për një gjë të tillë.
LVV i ka kërkuar marrëveshje LDK-së, e cila ka refuzuar dhe kërkon qeveri tranzitore mes partive parlamentare. Vetëm pas konstituimit të Kuvendit mund të formohet Qeveria e re.
Top Channel
