Frikë nga Rusia? NATO kërkon 40,000 ushtarë shtesë nga Gjermania 29/05 08:50
Komisioneri i Tregtisë së BE-së, Maros Šefković deklaroi sot para Parlamentit Europian në Strasburg se BE-ja preferon të gjejë një zgjidhje përmes negociatave me SHBA-në, por në rast se bisedimet dështojnë, BE-ja po përgatit kundërmasat e saj dhe të gjitha opsionet janë në tryezë.
Pas pothuajse një muaji që nga fillimi i armëpushimit tarifor midis BE-së dhe SHBA-së, ende nuk është gjetur asnjë zgjidhje përmes negociatave dhe progresi i bërë duket i kufizuar.
“Të gjitha opsionet mbeten në tryezë”
“Tani kemi nevojë që SHBA-të të tregojnë gatishmërinë e tyre dhe të bëjnë përparim drejt një zgjidhjeje të drejtë dhe të ekuilibruar”, tha Šefković gjatë një debati në Parlamentin Europian mbi një përgjigje të unifikuar të BE-së ndaj masave të pajustifikuara tregtare të SHBA-së dhe mundësive globale tregtare për BE-në.
“Të gjitha opsionet mbeten në tryezë”, theksoi Komisioneri i Tregtisë, duke kujtuar se BE-ja ka pezulluar kundërmasat e veta për t’i dhënë hapësirë negociatave, duke përfituar nga periudha 90-ditore e pezullimit të presidentit amerikan.
Kujtohet se vendet e BE-së përballen me tarifa amerikane prej 25% për importet e çelikut dhe aluminit dhe makinave dhe tarifa “hakmarrëse” prej 10% për pothuajse të gjitha mallrat e tjera që mund të rritet në 20% pas pauzës 90-ditore të Trump, nga 14 korriku e tutje.
Šefković tha se SHBA-të kanë vendosur tarifa për 70% të mallrave të BE-së të importuara në SHBA dhe kjo mund të rritet në 97% nëse SHBA-të përfshijnë edhe produktet farmaceutike, gjysmëpërçuesit dhe mallra të tjera të BE-së.
Komisioneri tha gjithashtu se BE-ja do të mbrohet nga rritjet e mundshme të importeve nga vende të tilla si Kina, për shkak të devijimit të tregtisë nga muri tarifor i Trump. Një grup pune do të ngrihet nga Komisioni deri në mesin e majit për të monitoruar devijimin e tregtisë.
Top Channel
