AfD u klasifikua si parti e ekstremit të djathtë, çfarë pasojash ka ky klasifikim? 04/05 16:10
Në jug të Teksasit, pranë brigjeve të Gjirit të Meksikës, ka lindur një qytet i ri me emrin “Starbase”, që mishëron vizionin futurist të sipërmarrësit Elon Musk dhe kompanisë së tij hapësinore SpaceX.
Vendbanimi i njohur më parë si Fshati Boca Chica tashmë është kthyer zyrtarisht në një njësi administrative më vete, pas një votimi që përfshiu 283 banorët e zonës – pjesa dërrmuese e të cilëve janë punonjës të SpaceX.
Votimi, i cili rezultoi me 173 vota pro dhe vetëm katër kundër, zyrtarizoi krijimin e bashkisë së Starbase, e cila shtrihet në një sipërfaqe prej rreth 1.5 miljesh katrorë.
Procesi u përshkrua si një fitore personale për Elon Musk, pasi shpallja e qytetit të ri u bë në një kohë kur ai përballej me sfida të tjera në sferën politike dhe atë të biznesit, përfshirë përplasjet me presidentin Donald Trump dhe vështirësitë me prodhimin në Tesla.
Me krijimin e Starbase si një bashki e mirëfilltë, do të ngrihet një strukturë e re e qeverisjes vendore, e përbërë nga një kryetar bashkie dhe dy komisionerë, të cilët do të kenë autoritet mbi vendimmarrjen lokale për planifikimin urban, taksat, infrastrukturën dhe çështje të tjera komunitare.
Ky organizim i ri nënkupton një autonomi më të madhe për zonën dhe hap mundësi për zhvillime të mëtejshme që lidhen drejtpërdrejt me misionin hapësinor të SpaceX.
Starbase nuk është thjesht një eksperiment administrativ, por një simbol i ambicies së Musk për të krijuar qendra të reja teknologjike dhe të banueshme që lidhen me eksplorimin hapësinor.
Kjo lëvizje shihet si një përgatitje për projektet më të mëdha që Musk ka paralajmëruar – përfshirë kolonizimin e Marsit.
Top Channel
