E zhdukur prej mbi 60 vitesh, gruaja gjendet e gjallë/ Historia e trishtë me martesën në moshën 15-vjeçare 04/05 22:50
Presidenti amerikan Donald Trump ka nisur një fushatë për të rishkruar versionin zyrtar të historisë amerikane, në kuadër të përgatitjeve për 250-vjetorin e shpalljes së pavarësisë.
Me anë të një urdhri ekzekutiv, Trump ka krijuar një task-forcë që synon të promovojë një narrativë “patriotike” të historisë, duke lënë në hije momentet e errëta dhe figurat problematike të së kaluarës.
Projekti i njohur si “Historia e Amerikës”, i realizuar në bashkëpunim me një kolegj konservator, ka prodhuar video edukative që sipas historianëve rrezikojnë të sheshojnë të vërtetën historike dhe të shërbejnë si mjet propagandistik për të ngritur kultin e Trump dhe për ta krahasuar atë me figura si Abraham Lincoln.
Historianët e quajnë këtë një tentativë autoritare për të fshirë kapituj të rëndësishëm të historisë dhe për të imponuar një version të rremë që përjashton të kaluarën e dhimbshme të SHBA-së, si skllavëria apo diskriminimi racor. Kritikët paralajmërojnë se kjo lëvizje është pjesë e një lufte më të gjerë kulturore dhe politike, ku historia po përdoret si armë për të formësuar opinionin publik dhe për të legjitimuar pushtetin.
Top Channel
