Lufta për trashëgiminë e Freddie Mercury-t! Si motra e yllit të muzikës shpenzoi 3 milionë paund për të ruajtur kujtimet e tij

Motra e këngëtarit të legjendar i Queen, Kashmira Bulsara, ka shpenzuar një shumë të madhe, 3 milionë paund, për të blerë objekte të çmuara dhe relike personale të vëllait të saj, që ishin shitur në një ankand nga ish-e dashura e tij, Mary Austin.

Dy vjet pas ankandit të madh në Sotheby’s, ku u shiteshin objekte të vëllait të saj të ndjerë, Kashmira ka vendosur të veprojë në fshehtësi dhe të marrë një pjesë të trashëgimisë së Freddie-t për ta ruajtur atë në familje. Lajmi është bërë i njohur nga tabloidët britanikë, të cilët kanë zbuluar detaje të panjohura të procesit të blerjes.

Në vitin 2019, Mary Austin kishte nxjerrë në ankand qindra objekte personale të Freddie Mercury-t, përfshirë kostume, bizhuteri, dhe sende të tjera, duke përfshirë edhe dorëshkrimet e pabotuara të këngës së famshme “Bohemian Rhapsody”. Pas ankandit, të ardhurat e grumbulluara nga shitjet arritën në 50 milionë euro, pjesë e të cilave u dhuruan për organizatat bamirëse si “Mercury Phoenix Trust” dhe “Elton John AIDS Foundation”.

Mary Austin, e cila kishte qenë një pjesë e rëndësishme e jetës së Freddie-t dhe kishte trashëguar shumicën e pasurisë së tij, kishte thënë në një intervistë se kjo ishte një mundësi për të mbyllur një kapitull të rëndësishëm dhe për t’u larguar nga kujtimet e të kaluarës.

Megjithatë, siç raportojnë burime pranë familjes, Kashmira Bulsara nuk mundi të pranonte që objekte të tilla të shiteshin për t’u zhdukur nga historia e Freddie Mercury-t. Ajo, në bashkëpunim me djalin e saj, Jamal Zook, bëri një ofertë të fshehtë për të blerë pjesën më të madhe të relikeve të tij.

Blerjet e Bulsara përfshijnë disa objekte të çmuara, duke përfshirë një xhuboks Wurlitzer që u shit për 406,400 £, një jelek i veshur nga Freddie në videoklipin e “These Are the Days of Our Lives” për 139,700 £ dhe një xhaketë stil ushtarak që u blerë për 457,200 £. Gjithashtu, ajo ka blerë edhe faqe të teksteve të këngës “Killer Queen” për 279,400 £, duke treguar se çfarë përpjekjesh ka bërë për t’i ruajtur ato në duar të familjes.

Në vdekjen e tij, Freddie Mercury, i njohur gjithashtu si Farrokh Bulsara, kishte lënë një pasuri prej 75 milionë funte, shumica e së cilës iu kalua Mary Austin, e cila gjithashtu trashëgoi shtëpinë e tij të famshme në Kensington, Londër. Pas vdekjes së prindërve të Freddie-t, ajo mori edhe pjesën që iu takonte atyre, ndërkohë që pjesa e mbetur e pasurisë shkoi te motra e tij Kashmira.

Ndërkohë, historia e blerjes dhe e grindjes për trashëgiminë e Freddie Mercury-t mbetet një kapitull i ndezur dhe i pasur me emocione për ata që e njohën dhe e donin legjendën e muzikës botërore.

Top Channel