Kourtney Kardashian feston ditëlindjen, mesazhi emocionues i nënës së saj
18/04 22:37
Aktori i njohur kubano-amerikan, William Levy, është arrestuar të hënën në Florida të Jugut pas një incidenti në një restorant.
Pas lirimit ai ka mohuar versionin e ngjarjes të paraqitur nga autoritetet.
Sipas policisë, ylli i telenovelave u akuzua për dehje dhe sjellje të çrregullt si dhe për hyrje të paligjshme në pronë private.
Ai u dërgua në burgun e qarkut Broward në Fort Lauderdale, por u la i lirë pas pagesës së një garancie prej 250 euro për secilën akuzë.
Në një deklaratë për mediat, Levy tha se kishte konsumuar disa pije me ekipin e tij, siç bën zakonisht, dhe se situata u përshkallëzua pas një zënke në të cilën ai ndërhyri për ta qetësuar.
“Në fund përfundova unë në pranga”, u shpreh ai, pa dhënë shumë detaje.
Sipas raportit të policisë, incidenti ndodhi rreth orës 22:10 në restorantin “Baires Grill”, ku Levy kishte porositur një raund pijesh për të gjithë.
Pasi mori faturën, ai dyshohet se refuzoi të paguante duke pretenduar se e kishte shlyer më parë.
Autoritetet theksojnë se aktori ishte “shumë i dehur” dhe se ka pasur një përplasje fizike me një punonjëse të restorantit, gjë që ai e mohoi pas lirimit.
Gjithashtu, thuhet se ai u urdhërua disa herë të largohej nga lokali, por refuzoi.
Ndërkohë, Levy ka zgjedhur të mos komentojë më tej mbi akuzat dhe është larguar pa bërë deklarata shtesë.
Top Channel
