Skandali i mesazheve të administratës Trump, këshilltari i lartë i Sekretarit të Mbrojtjes nën hetim 15/04 22:45
Ambasadori i Sirisë në Moskë ka kërkuar azil në Rusi, sipas agjencisë ruse të lajmeve TASS. Bashar al-Jaafari u emërua ambasador në Rusi në vitin 2022, pasi kishte shërbyer si përfaqësues i përhershëm i Sirisë në OKB nga viti 2006 deri në vitin 2020.
Rrjeti televiziv libanez Al Mayadeen më vonë raportoi se kishte marrë një mohim nga Jaafari, pa detaje të mëtejshme. Reuters vë në dukje se u përpoq të kontaktonte si Jaafari ashtu edhe ambasadën siriane në Moskë, por pa sukses.
I forti i Kremlinit, Vladimir Putin, i dha azil Bashar al-Assad-it kur ish-presidenti sirian u arratis me familjen e tij në Moskë pasi u rrëzua nga një aleancë rebele në fund të vitit të kaluar.
Ministria e Jashtme e qeverisë kalimtare në Siri ka tërhequr ambasadorët në Rusi dhe Arabinë Saudite në Damask, si pjesë e riorganizimit të trupit diplomatik pas rënies së regjimit të Asadit.
Bashar al-Jaafari ishte një nga përfaqësuesit më të njohur ndërkombëtarisht të regjimit të Asadit. Ai e kishte mbrojtur fuqishëm qeverinë siriane gjatë luftës civile 14-vjeçare në Siri, duke përfshirë edhe mohimin e saj se kishte nisur sulme me armë kimike.
Moska i ka qëndruar besnike Damaskut që në ditët e para të Luftës së Ftohtë, pasi ka mbështetur luftën e saj për të shkundur zgjedhën koloniale franceze.
Siria pret dy baza të rëndësishme ruse, një bazë ajrore në Latakia dhe një bazë detare në Tartus. Moska kërkon të mbajë kontrollin e këtyre bazave, duke u përpjekur të ndërtojë lidhje me udhëheqjen e re në Damask.
Top Channel
