Sulmi më vdekjeprurës këtë vit, Rusia godet qytetin verilindor të Ukrainës! Të paktën 21 viktima 13/04 14:00
29 persona janë vrarë dhe 80 të tjerë janë të zhdukur pas sulmit ajror izraelit në qytetin e Gazës, në lagjen Setjaya që ndodhet në pjesën veriore të qytetit.
Al Jazeera raporton se dhjetëra njerëz të zhdukur besohet se janë varrosur në rrënojat e shtëpive, pasi më shumë se 10 ndërtesa u shembën pas sulmit izraelit. Numri i të vdekurve tani është rritur në 29 dhe pritet të rritet më tej, ndërsa më shumë se 55 persona janë shtruar në spital.
“Ne mund të shihnim një re të madhe të errët tymi. Të paktën 10 shtëpi u shkatërruan nga sulmet e shumta ajrore. Shumë nga të vdekurit janë gra dhe fëmijë që ishin strehuar brenda tyre. Rreth 55 palestinezë u plagosën rëndë dhe u dërguan në spitalin e afërt al-Ahli,” tha një gazetar.
Më tej ai shton “Nuk mund të shihnim asgjë, dëgjonim vetëm britmat dhe panikun e njerëzve, pamë kudo të vdekur dhe njerëz të lënduar. Ekuipazhet e emergjencës janë ende duke transportuar të vdekurit dhe të plagosurit. Kjo është me të vërtetë një masakër e tmerrshme.”
Top Channel
