Rozana u zgjodh finalistja e parë e këtij edicioni në Big Brother VIP në një televotim ‘kokë më kokë’ me Gertën.
Kjo gjë ka nxitur debate mes banorëve, të cilët disa prej tyre nuk besojnë te televotimi.
Gjatë Prime-t të së martës, ky debat u përcoll kështu:
Rozana: Të them të drejtën, mbrëmjen që erdhi rezultati i votimit, mu duk sikur Gerta e mori me pozitivitet. Kur erdhëm në shtëpi, Jozi dhe Gjesti i thanë që Gerta duhet të linte shtëpinë. Unë nuk fola, sepse vura veten në vendin e Gertës. Të nesërmen filluan të gjithë duke më bërë figurën pis. Gerta tha se publiku i bënte zemra. Mbaj mend që publiku nuk shihej fare nga dritat. Nëse Gerta mendon se unë nuk e kam merituar, e ftoj Gertën të dalë nga shtëpia dhe ta lërë këtë lojë, nëse produksioni ka bërë një pabesi.
Gerta: Nga goja ime nuk ka dalë asnjë moment as produksioni dhe asgjë tjetër.
Rozana: Të vish e të më thuash që nuk e kam merituar… Mund të ketë qenë një televotim shumë i ngushtë. Por vetëm të hedhin vrerë Gerta, Gjesti dhe Egli nuk e kuptoj.
Gerta: Ndonjë vrer nga mua kishe në atë klip?
Rozana: Ke thënë që nuk e kam merituar. Që publiku të do ty. Ti më ke bërë pis figurën prej dy ditësh. Unë prapëseprapë nuk jam ndjerë. Kur u zgjodhe e preferuara e shtëpisë, unë nuk kam bërtitur.
Gerta: Nuk e fshin dot të shkuarën në këtë shtëpi. Në përballjen që ishim të dyja më pe me inat të tmerrshëm dhe e ke pranuar vetë.
Rozana: Mu kujtuan të gjitha të zezat që më ke bërë mua në këtë shtëpi. Je e vetmja grua që më ke shtypur një buton që nuk ma ka shtypur njeri. Nëse nuk ke ardhur ta fitosh vetë, atëhere dil nga shtëpia.
Top Channel
