Festivali i Filmit në Kanë, shpallen anëtarët e jurisë, Juliette Binoche do të jetë presidente e edicionit të 78-të 29/04 21:54
Presioni i lartë i gjakut, ose hipertensioni, është një problem shëndetësor i rëndësishëm që mund të kontrollohet, por një faktor që shpesh nuk merret parasysh është konsumi i alkoolit.
Një studim i vitit 2023 i botuar në revistën “Hypertension” tregon se edhe një konsum i moderuar i alkoolit mund të rrisë presionin e gjakut, veçanërisht tek meshkujt.
Për shembull, një konsum prej 48 gram alkooli në ditë mund të rrisë presionin sistolik deri në 4.9 mmHg.
Sipas ekspertëve, pijet alkoolike me sheqer të shtuar dhe ato me përmbajtje të lartë alkooli, si margaritat dhe Manhattans, mund të përkeqësojnë më shumë hipertensionin.
Kardiologët këshillojnë që, për ata që kanë presion të lartë të gjakut, të shmangen këto lloje pije dhe të monitorohet sasia e alkoolit të konsumuar.
Konsumimi i rregullt i alkoolit, sidomos më shumë se katër pije për gratë dhe pesë për burrat në një periudhë të shkurtër, mund të rrisë presionin afatgjatë.
Ulja e konsumit të alkoolit mund të sjellë përmirësime të mëdha për shëndetin e zemrës dhe presionin e gjakut./TAR
Top Channel
