Kryepeshkopi i Kishës Ortodokse Autoqefale të Shqipërisë, Joan Pelushi, i ftuar në podcast-in “Flasim” me kryeministrin Edi Rama foli për sfidat që kalojnë njerëzit me probleme të shëndetit mendor.
Njerëzit me probleme të shëndetit mendor, duhet të ndihmohen, tha Kryepeshkopi Joan.
“Mendja është gjëja më e rëndësishme e njeriut, vazhdimisht njerëzit thonë Zot na ruaj mend. Të gjitha sëmundjet janë të vështira. Nuk mund të shpjegojmë dot pse i ndodh dikujt dhe pse nuk i ndodh dikujt tjetër. Këta njerëz duan ndihmesë. Ka disa lloje vështirësish, ka vështirësi varfërie, ka një varfëri shpirtërore, ka dhe një version tjetër sikurse janë problemet e shëndetit mendor. Sepse ti nuk do të kesh atë feedback-un që ti do i bësh diçka dhe ai të thotë ‘shumë faleminderit’. Për shembull, ti mund t’i çosh ushqimin, ai mund të ta hedhë në fytyrë. Dhe njerëzit që punojnë aty, është mirë që edhe të trajnohen. Duhet një trajnim i vazhdueshëm dhe jo të gjithë mund ta përballojnë. Por, ata thellë brenda vetes, pavarësisht sëmundjes, e ndjen kur dikush i do. Kërkon një durim shumë të madh, ashtu sikurse Zoti është i duruar me ne”.
Top Channel
