Shoqërimi i Adriatik Alimadhit, policia njoftim zyrtar: Tentoi të largohej, pavarësisht kërkesës për të qëndruar, u vu nën hetim

05/04/2025 14:03

Kryetari i Ballit Kombëtar është vënë nën hetim për veprën penale “Kundërshtim i punonjësit të rendit publik”.

Sipas policisë, gjatë kontrollit të një lokali për dyshime se ushtrohen lojëra fati, ai ka refuzuar të zbatojë urdhrat e punonjësve të Policisë, duke i kundërshtuar verbalisht dhe fizikisht dhe ka tentuar të largohet nga ambienti, pavarësisht kërkesës për të qëndruar në vendin ku ndodhej, deri në përfundim të procedurës.

Në lidhje me këtë rast, Drejtoria Rajonale e Agjencisë së Mbikëqyrjes Policore Tiranë ka nisur veprimet verifikuese, bazuar në pamjet filmike të publikuara në rrjete sociale dhe pretendimet e paraqitura nga shtetasi në fjalë

“Specialistët për Hetimin e Krimeve në Komisariatin e Policisë Nr. 4 referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë dhe nisën procedimin penal në gjendje të lirë për shtetasin A. A., 61 vjeç, i dyshuar për veprën penale “Kundërshtim i punonjësit të rendit publik”.

Ky shtetas dyshohet se, gjatë një kontrolli të ushtruar nga shërbimet e Policisë në një lokal në rrugën e “Dibrës”, me qëllim verifikimin e informacionit se në këtë ambient ushtrohej veprimtaria e paligjshme e lojërave të fatit dhe basteve sportive, ka refuzuar të zbatojë urdhrat e punonjësve të Policisë, duke i kundërshtuar verbalisht dhe fizikisht dhe ka tentuar të largohet nga ambienti, pavarësisht kërkesës për të qëndruar në vendin ku ndodhej, deri në përfundim të procedurës.

Në lidhje me këtë rast, Drejtoria Rajonale e Agjencisë së Mbikëqyrjes Policore Tiranë ka nisur veprimet verifikuese, bazuar në pamjet filmike të publikuara në rrjete sociale dhe pretendimet e paraqitura nga shtetasi në fjalë”, shkruhet në njoftimin e policisë.

Nga ana tjetër, Alimadhi akuzon policinë për përdorim dhune fizike dhe verbale.

Videoja e momentit të ndalimit të Alimadhit u publikua një ditë më parë nga Sekretari i Përgjithshëm i PD, Flamur Noka.

Top Channel

PORTOKALLI Portokalli - AG SHOW - Bileta