“Amerika nuk ka nevojë për një mbret”/ Shpërthejnë protestat në SHBA dhe Evropë kundër tarifave të Trump
05/04 22:26
Vladimir Putin jep shenja lëkundjeje për garancitë e pasluftës që kërkon Ukraina, e që duket kanë frenuar deri arritjen e një armëpushimi të plotë.
Për herë të parë që prej fillimit të konfliktit në 2022, Moska dërgoi në Uashington për bisedime Kirill Dmitrijevin, i ngarkuari i posaçëm i Kremlinit për bashkëpunimin ekonomik me vendet e tjera.
Pas bisedimeve në kryeqytetin e SHBA-së, Uashington, negociatori rus nuk e përjashtoi mundësinë e garancive.
I besuari i Putin, tha në intervistë për Fox News, se u fokusua tek ekonomia dhe se mund të fliste vetëm në mënyrë hipotetike për këtë temë.
“Ashtu siç tha edhe presidenti ynë, unë mendoj se nuk është e mundur që Ukraina të hyjë në NATO. Megjithatë, disa garanci sigurie mund të jenë të pranueshme në një farë forme”, ishte komenti i tij.
I pyetur nëse Moska do të verë si kusht për armëpushimin shfuqizimin e sanksioneve, Dmitrijev, që është shef i Fondit Shtetëror rus për Investimet direkte, tha, se Rusia nuk ka kërkuar ndonjë shfuqizim.
Zëdhënësi i Kremlinit Dimitrij Peskov nuk deklaroi ndërkohë asgjë të re, duke i frenuar deklarimet lidhur me garanci të mundshme për sigurinë.
Kjo është një temë shumë e vështirë, tha Peskov i cituar nga agjencia ruse e lajmeve Tass, për të cilën pohoi se “kjo është pjesë e bisedimeve dhe konsultimeve, por tani për tani nuk është e mundur të flitet për diçka konkrete në këtë kontekst.
Top Channel
