“O Basha fli o burrë”, Rama publikon video-montazhin ironizues për kundërshtarët e tij politikë: Me këtë perlë, ju uroj të diel të paqtë 06/04 09:16
Kryetari i Partisë Demokratike, Sali Berisha, zhvilloi një takim me demokratët e Malësisë së Madhe, ku foli për situatën politike dhe replikat mes kryeministrit Edi Rama dhe Lulzim Bashës.
Kryedemokrati, replikat mes Ramës dhe Bashës i quajti ‘gili-vili’ të përditshëm.
Më tej ai theksoi se ishin rrethanat e detyruan që të rikthehej në politikë.
“A e shikoni çfarë ndodh me Lulzim Bravën, gili vili përditë me Ramën. A ka keqpërdorim më të madh se ky? Është keqpërdorim. Ishin rrethanat që më imponuan të kthehem. Që të kthehem më i sigurt se kurrë. Berisha nuk e bën këtë betejë për veten apo për familjen, por për Shqipërinë Madhështore, që vendi të ecë e sigurt drejt Bashkimit Europian. E bëj këtë betejë për shqiptarët, që rrogat të jenë më të mira dhe cilësia e jetesës të rritet”, tha ndër të tjera ai.
Sakaq gjatë fjalës së tij, Berisha tha se pas fitores së PD-së në zgjedhjet e 11 majit, do të eliminohen taksat e larta për bizneset e vogla, duke vendosur një kufi maksimal prej 1% të xhiros për këto biznese.
Top Channel
