Art me tulipanin shqiptar/ Biologia e përjetëson simbolin e natyrës shqiptare në çantat artizanale
05/04 12:56
Gjashtë muaj më parë, në një kolegj në Bruksel, teksa diskutohej për destinacionin e ardhshëm të udhëtimit studimor, një mësuese shqiptare u sugjeroi nxënësve të vizitonin Shqipërinë.
Nisur edhe nga jehona në rritje që vendi ynë po fiton në fushën e turizmit, propozimi u mirëprit menjëherë. Prej disa ditësh, grupi ndodhet në Shqipëri dhe ndalesa e tyre e radhës ishte qyteti i Shkodrës.
“Më pëlqeu shumë kjo vizitë në Shqipëri dhe ia vlejti. Është hera e parë që vij dhe mësova gjëra të reja dhe interesante për vendin tuaj. Është një vend shumë i bukur dhe njerëzit janë të dashur, edhe me ne të huajt”.
“Nga kjo vizitë mësova se dikur jeta ka qenë e vështirë dhe njerëzit përballeshin me sfida të mëdha çdo ditë. Për Hitlerin thuhet se ishte i dhunshëm, por komunizmi këtu ka qenë edhe më i ashpër. Kishte metoda që askush nuk mund t’i imagjinonte”.
“Vendosëm të vinim në Shqipëri sepse na e sugjeroi profesoresha, por edhe sepse vendi juaj është bërë shumë i njohur për turizmin. Kjo vizitë studimore ia vlejti vërtet. Mund të veçoj vizitat në muze dhe bashkëjetesën fetare mes katolikëve dhe myslimanëve, për të cilën nuk kisha dëgjuar më parë”.
“Kur e diskutuam në fillim, isha menjëherë dakord, sepse e vizitova Shqipërinë vitin e kaluar me familjen dhe u kënaqëm shumë. E dua shumë këtë vend; peizazhi është fantastik dhe më e rëndësishmja, këtu ka diell”, tha profesori Muzzaffer Cetin.
Për mësuesen shqiptare, kjo vizitë nuk është thjesht një ekskursion. Është një kthim te rrënjët dhe një dëshirë për të ndarë me nxënësit e saj bukurinë e vendit ku është rritur.
Jehona e turizmit në Shqipëri po rritet me shpejtësi, dhe çdo vit po shohim më shumë turistë që zgjedhin vendin tonë si destinacion për aventurë e qetësi e duke krijuar një lidhje të veçantë me natyrën e kulturën.
Top Channel
