Rusia lëkundet për garancitë e Kievit, i besuari i Putinit pas bisedimeve në SHBA: Armëpushimi…
05/04 14:04
Aksionet globale u tronditën për të dytën ditë radhazi, ndërsa bota vazhdon të reagojë ndaj tarifave të Donald Trump.
Kina u bë vendi i parë që lëshoi tarifa hakmarrëse për të gjitha importet e SHBA – duke përshkallëzuar një luftë tregtare tashmë të diskutueshme. Nga e enjtja e ardhshme mallrat amerikane që vijnë në Kinë do të goditen me një taksë prej 34%. Ministria kineze e Tregtisë tha gjithashtu se do të vendosë më shumë kontrolle mbi eksportet e mineraleve të rralla, të cilat përdoren në produkte të teknologjisë së lartë, si çipat kompjuterikë dhe bateritë e automjeteve elektrike. Në listën e mineraleve që u nënshtrohen kontrolleve u përfshinë samariumi dhe përbërjet e tij, të cilat përdoren në prodhimin e aeroplanëve dhe në sektorin e mbrojtjes. Pekini gjithashtu njoftoi se ka dorëzuar padi në Organizatën Botërore të Tregtisë (OBT) në lidhje me çështjen e tarifave.
Ende nuk dihet nëse kombet e tjera do të marrin masa hakmarrëse, por kryeministri i Mbretërisë së Bashkuar Keir Starmer tha se një “luftë tregtare gjithëpërfshirëse do të ishte jashtëzakonisht e dëmshme”.
Në Nju Jork, tregtarët e Wall Street filluan ditën pas një raporti më të fortë se sa pritej për tregun e punës në SHBA, por tregjet ranë kur Bursa e Nju Jorkut u hap të premten. Për të dytën ditë radhazi, pati rënie të stoqeve.
Top Channel
