Në Shqipëri për mësime/ Një klasë e tërë nga Brukseli ndodhet në Shkodër: Mësuam gjëra interesante, ia vlejti!
05/04 12:45
Një zbulim i rëndësishëm për biodiversitetin shqiptar është bërë pjesë e artizanatit tradicional.
Tulipani “Tulipa Albanica”, një lule endemike e zbuluar në Kukës nga biologu Besnik Hallaçi, tashmë po merr një vëmendje të veçantë falë një artizaneje të pasionuar.
Mikaela Lala, biologe dhe artizane, ka krijuar një linjë çantash dhe aksesorësh të punuar me vek tradicional, duke përjetësuar këtë simbol unik të natyrës shqiptare. Ajo tregon se ky tulipan nuk është thjesht një element dekorativ, por një pjesë e rëndësishme e trashëgimisë sonë natyrore dhe kulturore.
Bashkia e Kukësit ka shpallur zonën e tij të mbrojtur, ndërsa vetë Mikaela synon ta promovojë më gjerë këtë simbol, duke e prezantuar në evente brenda dhe jashtë vendit. Reagimet e publikut kanë qenë mjaft pozitive, duke treguar se ky kombinim i shkencës, natyrës dhe artizanatit ka një vlerë të veçantë.
Me një pasion që lidh traditën me inovacionin, Mikaela është një shembull frymëzues për të gjithë ata që duan të sjellin diçka unike, duke ruajtur njëkohësisht historinë dhe natyrën tonë të bukur.
Top Channel
