Çerma e Sipërme është vendlindja e prindërve të Iliaria Sulës, vajzës 22 vjeçe që u vra në Romë nga ish i dashuri i saj.
Lajmi nga Italia mbërriti edhe në këtë zonë, ku fqinjët nuk e fshehin dot tronditjen. Ata e kujtojnë Iirian të vogël, por edhe kur kthehej për pushime
Sot kjo vile dy katëshe e familjes Sula qëndron e mbyllur. Ne muajin gusht Ilarias, Flamur dhe Gëzime Sula bashkë me vajzën dhe vëllain e saj më të vogël ishin për herë të fundit aty. Banoret tregojnë se ata emigruan ne vitet 90 dhe prej asaj kohe vinin ne Shqipëri rrallëherë.
“Ekstrem, jo vdekje nuk ma merrte mendja se ishte vajza jonë”, shprehet një banore.
“Nuk ke fjalë të flasësh, jemi të shokuar të gjithë. Janë njerëz të mirë të gjithë”, thotë një banore tjetër.
Banoret e Çermës kërkojnë dënimin maksimal te autorit, për mënyrën e tmerrshme të kryerjes se krimit. Pasi vrau Ilarian, trupin e 22 vjeçares e futi në një valixhe dhe e hodhi në greminë.
“Nuk ka të drejtë tjetri që ta vrasi. Kemi fëmijë vetë”, shprehet një tjetër banor i zonës.
Vajza shqiptare ishte studente ne universitetin La Sapienca në Romë, ndërsa autori i krimit makabër ish i dashuri i saj 23 vjeçar nga Filipinet u arrestua një javë pas krimit.
Top Channel
