“Kemi të drejtë ta bëjmë këtë”, Republika Sërpska kërkon aleancë ushtarake me Serbinë dhe Hungarinë 04/04 15:40
Presidenti francez, Emmanuel Macron, zhvilloi një takim me liderë të bizneseve, i cili për temë qendrore ka mbrojtjen e ekonomisë franceze nga tarifat e reja të presidentit amerikan, Donald Trump.
Macron e ka hapur takimin duke i quajtur vendimet e presidentit amerikan si “brutale dhe të pabazuara”, ndërsa ka shprehur shqetësim rreth ndikimit të tarifave në Francë dhe më gjerë.
Ai ka sinjalizuar se do të ketë kundërpërgjigje ndaj kësaj lëvizjeje.
Ai gjithashtu ka apeluar për një reagim të koordinuar të BE-së, duke theksuar se është e rëndësishme që Europa të qëndrojë e bashkuar dhe të reagojë si një bllok i vetëm ndaj politikave të Trump.
Në përpjekje për të mbrojtur ekonominë franceze, Macron ka sugjeruar se do të ndalen investimet franceze në SHBA derisa situata të sqarohet dhe ka bërë thirrje që të mos lejohet që sektori francez të bëhet viktimë e këtyre tarifave të dëmshme.
Të enjten reagoi ashpër edhe kryeministri spanjoll, Pedro Sanchez, që kritikoi tarifat “e paprecedenta” të SHBA-së, duke i quajtur ato si një kthim në “proteksionizmin e shekullit të 19-të”.
Sanchez propozoi një paketë të re prej 14.1 miliardë euro për të mbështetur ekonominë në përgjigje të lëvizjes së Trumpit.
Ai ka thënë se Evropa tani përballet me një sulm tregtar nga Perëndimi, ndërsa në Lindje duhet të menaxhojë sulmin e Rusisë në Ukrainë.
Edhe Kanadaja ka vendosur kundër-tarifa me 25% për automjetet ndaj SHBA-së, si përgjigje kjo e tarifave të vendosura nga Presidenti Trump një ditë më parë.
Top Channel
