Zbardhen detaje të reja nga vrasja e 22-vjeçares shqiptare në Itali.
Sipas asaj që shkruajnë mediat italiane, trupi i pajetë i Ilaria Sulës u gjet brenda një valixheje në një zonë pyjore në Poli, afër Romës.
I dashuri i saj, një shtetas filipinas, 23-vjeçar, akuzohet për vrasje me dashje dhe fshehje të kufomës. Pasi e goditi me thikë, dyshohet se e futi trupin në valixhe dhe më pas e hodhi në zonën pyjore. I riu është arrestuar nga autoritete italiane.
Zbulimi makabër u bë nga disa persona që frekuentojnë zonën pyjore të Polit, të cilët kanë lajmëruar policinë.
Ilaria Sula ka studiuar Statistika në Universitetin Sapienza. Pas zhdukjes së saj, përveç familjarëve, të cilët kishin alarmuar në rrjetet sociale, për ta kërkuar u mobilizuan edhe miq e kolegë, të cilët shpërndanë fotografi të shumta të së resë.
Top Channel
