OSBE-ODIHR hap sot zyrtarisht misionin e monitorimit të zgjedhjeve te 11 majit, mbi 300 vëzhgues, si do të kryhet procesi

02/04/2025 11:15

Diplomati italian i karrierës ambasadori Lamberto Zananier, çeli zyrtarisht misionin e vëzhgimit të zgjedhjeve të 11 Majit nga OSBE-ODIHR me 300 vëzhgues ditën e zgjedhjeve, 26 vëzhgues afat gjatë dhe 11 ekspertë.

Vëzhguesit tha kreu këtij misioni ambasadori Zannier do të monitorojnë disa aspekte, përfshi fushatën elektorale në rrjetet sociale përfshi financimet e partive politike.

Top Channel i kërkoi një koment ambasadorit Zannier për strategjinë e SPAK në hetimin e krimeve zgjedhore dhe nëse vëzhguesit e tij, kur të përballen me të tilla krime a mund ti referojnë në SPAK?

Do ta shikoj këtë iniciativë të SPAK dhe nuk kam një koment për momentin. Ne do ti vendosim gjetjen në raport, ne nuk jemi këtu të bëjmë detyra të tjera. Të gjitha gjetjet tona do vendosen në raport. Jemi shumë të angazhuar për të bashkëpunuar me autoritetet  por ama gjetjet e parregullsive do të ndahen përmes raportove tona”, u shpreh Lamberto Zannier, kreu i misionit te OSBE-ODIHR.

Për sa i përket mënyrës së financimit të partive politike Zannier deklaroi se kjo do të jetë pjesë e vëzhgimit dhe se metodologjia e ODIHR e përfshin këtë.

Kjo është me rëndësi kur në flasim për një demokraci të shëndetshme.” theksoi Zannier i cili tregoi se si do të monitorohet vota e Diasporës.

Votimi nga jashtë nuk ka një standard ndërkombëtar. Secili vend vendos specifikat e veta.  Ne do të shikojmë përmes dy ekipeve, në aeroport kur vinë votat, si menaxhohen e si do të numërohen më pas e raportohet në KQZ.  Kjo për tu siguruar se do të ketë transparencë. Po, ne do të tregojmë kujdes edhe për këtë aspekt. Jemi të përkushtuar për ta ndjekur këtë proces”, shton ai.

Rreth dy javë përpara ditës së votimit OSBE-ODIHR do të publikojë një raport të ndërmjetëm.

 

Top Channel

PORTOKALLI Portokalli - AG SHOW - Bileta