“Zhgarravinat e Ramës nuk panë dritë para se të bëhej kryeministër”/ Berisha premton transformim rrënjësor të legjislacionit për artin: Teatri Kombëtar do ndërtohet siç ishte 03/04 14:11
Kryeministri Edi Rama u bë pjesë e një takim i me mësues dhe prindër në shkollën “Besnik Sykja” në Tiranë, ku u ndal sërish te mbyllja e TikTok-ut në vend.
Ai gjithashtu dha një propozim, për të transmetuar serialin e njohur ‘Adoleshenca’ në shkolla si pjesë e programit të tyre mësimor.
“Shpresoj që mos t’ju mungojë durimi dhe për fjalën time. Dua t’ia nis nga fakti që kur hyra, mu përsërit në mendje gjithë ai cikli interesant i takimeve që zhvilluam me Ogertën me mësuesit dhe prindërit në të gjithë territorin. Ne aty, unë të paktën, munda të dëgjoj e të mësoj shumë gjëra., më vjen mirë që sot TikTok-u është mbyllur dhe fëmijëve, nxënësve i kemi siguruar një mbrojtje nga një influencës shumë negative që i qëndronte mbi kokë 24 orë në 24. Përfitoj nga rasti ta përsëris, mirë është që mësuesit t’ua thonë prindërve dhe nxënësve, përpjekja për të instaluar TikTok-un duke përdorur VPN-të e lira, është shumë e rrezikshme, sepse ato praktikisht e bëjnë telefonin të grabitshëm me të gjitha të dhënat që kanë brenda. Prandaj prindërit duhet të jenë të vëmendshëm në këtë aspekt.
Ne kemi hyrë në dialog me kompaninë dhe kemi kërkuar që nëse do të ketë përsëri akses në Republikën e Shqipërisë, duhet të na paraqesë një propozim të besueshëm dhe bindshëm për një numër të caktuar filtrash sigurie dhe një program specifik për të mësuar shkencën dhe gjëra të tilla që TikTok-u i ka në gamën e vetë të shërbimeve. Duhet të na garantojë që fëmijët dhe adoleshentët janë të mbrojtur nga pjesët e rrezikshme. Na ka premtuar që do na e paraqesë këtë propozim dhe në të gjitha rastet, çfarë kompania do të na ofrojë, do të duhet të ndahet me mësuesit dhe prindërit. Ata duhet të jenë të informuar për ndryshimet që do të bëhen dhe çfarë do të sjellin këto ndryshime. Shpresoj që në një kohë jo shumë të largët, ata të vijnë në Shqipëri dhe ne të rikthehemi përsëri te ju, t’i ndajmë këto të dhëna që na vijnë nga propozimi i kompanisë.
Duke qenë se unë jam shumë i dhënë pas kinemasë, do t’ju sugjeroja të gjithëve që të shikoni një film që ka dalë së fundmi, që quhet ‘Adoleshenca’ dhe do t’iu sugjeroja ta ndani me shumë të tjerë. Do të ishte shumë mirë që ne të bënim shfaqje të filmit me nxënësit nëpër shkolla dhe palestra. Është një film që ka tronditur botë n dhe flet ekzaktësisht për çfarë sfidash ne përballemi sot, se sa pak kuptojmë ne, kur na duket që kuptojmë shumë nga fëmijët tanë. Fatkeqësisht jetojmë në dy universe paralele. Ata hyjnë e dalin në universin tonë, por ne nuk kemi akses në universin e tyre.
Unë besoj shumë që mbyllja e TikTok-ut nuk ka zgjidhur gjithë këtë problematik, por ka qenë hapi i duhur dhe i falënderoj të gjithë mësuesit e prindërit. 95% kanë qenë dakord për këtë vendim. Ne nuk jemi as Amerika e as Anglia. Besoj se kemi bërë gjënë e duhur dhe kemi bërë detyrën. Nga ana tjetër, besoj që nuk kemi forcat për t’iu përballur me universin paralel ku fëmijët tanë jetojnë një pjesë shumë të madhe të kohës së tyre, por nga ana tjetër nuk duhet të dorëzohemi dhe e vetmja rrugë që unë shoh është një ndërveprim mes shkollës, prindërit dhe institucioneve. Ne do të bëjmë çmos që shkolla të rrisë numrin e informacioneve për prindërit. Jo vetëm notat e mungesat, por dhe raportet për secilin fëmijë”, tha ndër të tjera Rama.
Top Channel
