Jean-Claude Van Damme akuzohet për marrëdhënie seksuale me gra që ishin viktima të trafikimit 03/04 19:13
Kryeministri i Ontarios, Doug Ford tha se rritja e tarifave për mallrat kanadeze do të dëmtojë familjet amerikane, duke shtuar se e ashtuquajtura “Dita e Çlirimit” e presidentit amerikan, Donald Trump ngjan më shumë si “Dita e Përfundimit”.
Ford tha se shumica e lëndëve drusore që importohet nga SHBA për të ndërtuar shtëpi vijnë nga Kanadaja, kështu që “do të rrisë koston e një shtëpie”. Gjithashtu, Ford tha se do të rritet edhe kostoja e makinave.
“Ne dërgojmë aq makina sa blejmë, por kostoja e një kamioni ose një automobili do të rritet”, tha ai.
“Pra, këto tarifa nuk janë gjë tjetër veçse një taksë për amerikanët dhe ai, presidenti Trump, e quan atë “Dita e Çlirimit”, unë e quaj “Dita e Përfundimit”, sepse shumë njerëz do të pushohen nga puna si rezultat i tyre”, vijoi Ford.
Megjithatë, Ford tha se shpreson që Trump pranon për njw rritje më të ulët të tarifave.
“Unë do të doja t’i kthehesha marrëveshjes origjinale. Ne kishim një marrëveshje të madhe, ai tha se ishte marrëveshja më e mirë ndonjëherë. Unë mendoj se nuk është marrëveshja më e mirë ndonjëherë tani”, tha Ford, duke iu referuar Marrëveshjes Shtetet e Bashkuara-Meksikë-Kanada, duke shtuar se Kanadaja dhe SHBA duhet të punojnë së bashku si partnerë dhe jo si kundërshtarë.
Top Channel
