“Mos dëgjoni bufin, ikni nga këneta për shëndetin tuaj mendor”, Rama: Kemi programin qeverisës të detajuar në çdo fushë 03/04 09:15
Misioni vëzhgues i OSBE/ODIHR ka nisur zyrtarisht punën për monitorimin e zgjedhjeve në Shqipëri. Drejtuesi i misionit, Lamberto Zannier, njoftoi se gjatë procesit do të vlerësohet përputhshmëria e zgjedhjeve me angazhimet ndërkombëtare dhe legjislacionin vendas.
Pyetur nga gazetari i Top Channel, Muhamed Veliu, nëse do të ketë një bashkëpunim me SPAK nëse vëzhguesit do të zbulojnë krime zgjedhore, ambasadori Zannier dha këtë përgjigje:
“Do ta shikoj këtë iniciativë të SPAK dhe nuk kam një koment për momentin.
Ne do ti vendosim gjetjen në raport, ne nuk jemi këtu të bëjmë detyra te tjera.
Të gjitha gjetjet tona do vendosen në raport.
Jemi shumë të angazhuar për të bashkëpunuar me autoritetet por ama gjetjet e parregullsive do të ndahen përmes raportove tona”, tha ai.
Gazetari: Kontrolli parave me të cilat financohen partitë politike? A keni një mekanizëm specifik?
Zanier: Metodologjia e ODIHR e përfshin këtë. Natyrisht ne do ta shikojmë këtë si është situata. Do t’i kushtojmë vëmendje. Kjo është me rëndësi kur në flasim për një demokraci të shëndetshme.
Gazetari: 2021 fenomeni shitblerjeve të votës, qeveria ka dhënë bonus për pensionistët, a ndikon kjo tek gara e ndershme?
Zannier: Puna ime nuk është për apele ndaj forcave politike. Në raportet e fundit ne kemi parë këto fenomene. Përmes raportimeve ne duam ti frenojmë këto. Do ti shohim çështjet e shpërdorimit të asteve publike apo për shitblerje vote për ti sh’kurajuar këto fenomene.
Gazetari: Çfarë mund të na thoni për procesin e votës së diasporës?
Zannier: Votimi nga jashtë nuk ka një standard ndërkombëtar. Secili vend vendos specifikat e veta. Ne do të shikojmë përmes dy ekipeve ne do të ndjekin në aeroport kur vinë votat, si menaxhohen e si do të numërohen më pas e raportohet në KQZ. Kjo për tu siguruar në transparencë. Po ne do të tregojmë kujdes edhe për këtë aspekt. Jemi të përkushtuar për ta ndjekur këtë proces.
Top Channel
