“Është qartë vendim politik”/ Le Pen në intervistën e parë pas dënimit: Gjykatësi i është bindur një urdhri 31/03 22:40
Një nga laboratorët më të mëdhenj artizanalë të zbuluar ndonjëherë në Europë, i aftë për të prodhuar një gamë të madhe dhe të larmishme lëndësh narkotike, u zbulua në Novara, me policinë që arrestoi një student 22-vjeçar.
Skuadra Fluturuese, seksioni i narkotikëve, pas një hetimi disa mujor arriti të identifikonte të riun me pasion kiminë, i cili brenda shtëpisë së tij, në lagjen Sant’Antonio, kishte ngritur një laborator klandestin për prodhimin e metamfetaminës dhe shumë drogave të tjera sintetike.
Studenti kishte përdorur katin përdhes për distilim ndërsa papafingo për përzierjen dhe krijimin e përbërjeve kimike.
Agjentët Mobile, pas operacioneve të shumta të aksioneve, ishin të sigurt për praninë e laboratorit, sepse “kimisti” hapte dritaret disa herë në ditë për të ajrosur dhomat, duke lëshuar në ajër erën e që buronte nga gatimi i metamfetaminës.
Në atë moment, kur djali ishte vetëm në shtëpi, hetuesit hynë dhe u gjendën përballë një dhome në katin përdhes të ndriçuar nga një llambë e kuqe e zbehtë: mbi një tavolinë kishte një sistem kompleks distilimi të përbërë nga balona, gota, bireta në gotë borosilikat për t’i bërë ballë temperaturave të larta të gatimit të drogës. Për më tepër, kishte shumë prekursorë kimikë që nuk gjenden në tregun legal, por vetëm në rrjetin e errët ose në kanale të tjera të paligjshme.
Zona e përzierjes dhe përgatitjes për përbërjet ishte vendosur në papafingo të shtëpisë. Shumë doza ishin tashmë gati për shitje.
Ndër drogat e prodhuara në laboratorin e shtëpisë, që të kujton serialin televiziv “Breaking Bad”, ishin metamfetamina, MDMA, DMT, Dom dhe Dob, shkruan La Repubblica.
Në operacion morën pjesë edhe Kabineti Ndërrajonal i Policisë Shkencore – Laboratori i Kimisë Ligjore – Piemonte dhe Valle d’Aosta dhe Policia Shkencore lokale.
Top Channel
