Macron viziton SHBA-në, mediat komentojnë: Kërkon të bindë Trumpin të mos afrohet me Putin!
24/02 13:42
Më shumë se 150.000 njerëz nga Kanadaja kanë nënshkruar një peticion, duke kërkuar që vendi i tyre t’i heqë shtetësinë kanadeze Elon Musk-ut për shkak të aleancës së miliarderit të teknologjisë me Donald Trump-in, i cili gjatë presidencës së tij të dytë në SHBA ka kërcënuar vazhdimisht ta pushtojë fqinjen e tij të pavarur në veri dhe ta kthejë atë në shtetin e 51-të.
Autorja nga British Columbia, Qualia Reed, nisi peticionin në Dhomën e Komunave të Kanadasë, ku u sponsorizua nga anëtari i Partisë së Re Demokratike dhe kritiku i hapur i Musk, Charlie Angus, siç raportoi fillimisht Canadian Press gjatë fundjavës.
I lindur në Afrikën e Jugut dhe në krye të kompanive amerikane, duke përfshirë prodhuesin e automjeteve elektrike Tesla, kompaninë ajrore SpaceX dhe platformën e mediave sociale Twitter/X, Musk ka shtetësi kanadeze përmes nënës së tij, e cila është nga kryeqyteti i Saskatchewan-it, Regina. Musk bëri fushatë për të reduktuar madhësinë e qeverisë federale të SHBA-ve me kërkesën e presidentit amerikan, i cili që nga kthimi i tij në Shtëpinë e Bardhë për një mandat të dytë më 20 janar ka sfiduar vazhdimisht sovranitetin e Kanadasë.
Peticioni i Reed, i dorëzuar më 20 shkurt, akuzon Musk se është “përfshirë në aktivitete që shkojnë kundër interesit kombëtar të Kanadasë” duke vepruar si këshilltar i Trump-it. Trump ka tërhequr zemërimin e 40 milionë banorëve të Kanadasë duke bërë kërcënime për vendosjen e tarifave të larta mbi produktet kanadeze dhe duke u mburrur hapur për aneksimin e vendit nga SHBA, përfshirë edhe pak para se ekipi kombëtar i hokejit të Kanadasë të mposhtte një përzgjedhje të kundërshtarëve amerikanë në një finale të turneut më 20 shkurt, e mbushur me tensione politike.
Peticioni pretendon se lidhja e Musk me Trump e bën atë “një anëtar të një qeverie të huaj që po përpiqet të fshijë sovranitetin e Kanadasë”. Ai i kërkon kryeministrit kanadez Justin Trudeau t’i heqë Musk-ut pasaportën kanadeze dhe t’i revokojë shtetësinë me efekt të menjëhershëm.
Trump shpesh e ka tallur Trudeau duke e quajtur “guvernator”, një titull që u jepet drejtuesve të shteteve amerikane. Ndërkohë, Musk shkroi në X – platformën e mediave sociale që bleu në vitin 2022 për 44 miliardë dollar, duke shijuar njoftimin e Trudeau në janar se ai do të jepte dorëheqjen si kreu i Partisë Liberale të Kanadasë pasi ajo të zgjidhte një lider të ri, ndërsa miliarderi i teknologjisë lavdëronte kreut e Partisë Konservatore Kanadeze, Pierre Poilievre.
Sikurse vuri në dukje Canadian Press, peticione si ai i Reed kërkojnë 500 ose më shumë nënshkrime për të marrë certifikimin e nevojshëm që të paraqiten në Dhomën e Komunave të Kanadasë dhe potencialisht të marrin një përgjigje zyrtare nga qeveria. Peticioni i Reed padyshim nuk e pati problem të kalonte këtë prag, duke mbledhur rreth 157,000 nënshkrime deri të dielën në mbrëmje, pa asnjë tregues se ky numër do të vazhdonte të rritej.
Top Channel
