Po fliste në një takim në Minneapolis, kongresmenja demokrate sulmohet dhe spërkatet me një substancë të panjohur 28/01 09:36
Kriminelët kibernetikë të Koresë së Veriut dyshohet se kanë kryer “hakimin më të keq në histori” pasi u zbulua një grabitje e kriptomonedhës prej 1.19 miliardë dollarësh.
Hakeruesit arritën të merrnin kontrollin e një portofoli Ethereum dhe të largonin të gjithë përmbajtjen e tij, shkruan The Sun.
Bursa Bybit me bazë në Dubai e konfirmoi këtë grabitje rekord të kriptomonedhës.
Përgjegjësit e krimit arritën të aksesojnë portofolin prej £1 miliard dhe të transferonin përmbajtjen e tij në një adresë të paidentifikuar.
Firma e analizës së blockchain Arkham Intelligence ka akuzuar Grupin Lazarus të Koresë së Veriut pas këtij hakimi. Pavarësisht pretendimeve të Arkham, autorët ende nuk janë konfirmuar.
Shefi ekzekutiv i Bybit, Ben Zhou, ndau një deklaratë në X pas incidentit të kushtueshëm. Ai e përshkroi këtë krim si “hakimin më të keq në histori”.
Zhou tha se kompania e tij mori më shumë se 350,000 kërkesa për tërheqje pas goditjes. Bybit e shtoi se kishte raportuar krimin në polici dhe po punonte për të gjetur kriminelët. Bybit, e themeluar në vitin 2018, mban një pasuri prej £15 miliard dhe ofron për përdoruesit kriptomonedha të ndryshme.
Koreja e Veriut ka vjedhur një shumë të vlerësuar prej 800 milionë dollarësh në kriptomonedha në vitin 2024, sipas Redbord.
Sulmet e tjera të mëdha në kriptomonedha në të kaluarën kanë shkaktuar vjedhjen e qindra milionë paundëve nga portofolat online të njerëzve. Një shumicë e madhe prej £32 milionë Bitcoin u vjedh nga bursa Binance në vitin 2019.
Top Channel
