Digjen gjatë natës 6 biznese në Prishtinë, dëme të konsiderueshme 20/02 09:43
Prokuroria Speciale e Kosovës ka dërguar kërkesë në Gjykatën Themelore të Prishtinës për të urdhëruar paraqitjen e Kryeministrit të Kosovës, Albin Kurtit si dëshmitarë për rastin e rezervave shtetërore.
Mësohet se kërkesa është dërguar javën e shkuar derisa, Departamenti Special i Gjykatës Themelore konfirmon pranimin e kërkesës dhe thotë se është duke e shqyrtuar.
“Konfirmojmë se Gjykata Themelore në Prishtinë – Departamenti Special ka pranuar kërkesën në fjalë nga Prokuroria Speciale e Republikës së Kosovës, e njëjta është duke u shqyrtuar nga gjykata“, thuhet në përgjigjen e themelores.
Kurti është ftuar si dëshmitar në dhjetor të vitit të shkuar për t’u paraqitur në hapësirat e Prokurorisë Speciale për të dhënë dëshminë e tij më 16 dhjetor për rastin e keqpërdorimit me rezervat shtetërore.
Kryeministri i Kosovës nuk u paraqit në këtë datë pasi ndodhej jashtë vendit.
Në ndërkohë që refuzoi të paraqitej para hetuesve duke thënë se dëshminë mund ta japë nga zyra e tij në kryeministri.
“Unë guxoj t’ju them s’po vij. Ta shohim tash a guxojnë ata të vijnë“, ishte përgjigjur Kurti, që mes tjerash aludonte se kishte pasur zyrtar qeveritar që ishin intervistuar në kryeministri më herët.
Këtë gjë e kishte mohuar kryeprokurori i Prokurorisë Speciale, Blerim Isufaj, duke thënë që nuk ka njohuri.
Kjo bëri që kryeministri i Kosovës, Albin Kurti ta cilësonte Isufajn edhe si regjisor të një skenari ku kryeministri i vendit shfaqej duke hyrë brenda objektit të Prokurorisë Speciale për intervistim.
Nëse edhe këtë herë, shefi i ekzekutivit në Kosovës refuzon të shkojë për të dhënë dëshminë e tij, ai mund të gjobitet deri në 250 euro.
Në ndërkohë, mund të bëhet edhe një ftesë tjetër për të, në rast të refuzimit edhe për këtë, Kurti mund të paraburgoset.
Kreu i Qeverisë së Kosovës është i ftuar si dëshmitar, derisa si të dyshuar për rastin e keqpërdorimit me rezervat shtetërore janë Ministrja e Tregtisë, Rozeta Hajdari, zyrtarët e kësaj ministrie, Irfan Lipovica dhe Hafiz Gara dhe afaristi Ridvan Muharremi.
Top Channel
