Tronditet Austria! Një person vret me thikë një 14-vjeçar dhe plagos katër të rinj në rrugë! Dëshmitari përplas me makinë autorin 15/02 19:42
E veja e disidentit rus Alexei Navalny ka paralajmëruar se “nuk ka kuptim të përpiqemi të negociojmë” me Vladimir Putin.
Gjatë Konferencës së Sigurisë në Mynih, dy ditë para përvjetorit të vdekjes së bashkëshortit të saj, Yulia Navalnaya u shpreh e bindur se “Putin do të gënjejë”.
“Ai do të tradhtojë, do të ndryshojë rregullat në momentin e fundit dhe do t’ju detyrojë të luani lojën e tij. Ka vetëm dy rezultate të mundshme për çdo marrëveshje me Putinin. Nëse qëndron në pushtet, do të gjejë mënyrën për të prishur marrëveshjen. Nëse ai humbet pushtetin, marrëveshja do të bëhet e pakuptimtë”, tha ajo.
Navalnaya iu bashkua një paneli diskutimi nga liderja e opozitës bjelloruse në mërgim, Sviatlana Tsikhanouskaya, që paralajmëroi se nëse Ukraina nuk del në krye pas luftës, “Putini do të jetë mjaft i fortë për të mbajtur ndikimin e tij në Bjellorusi”.
“Duke ndihmuar Ukrainën, ju po ndihmoni të gjithë rajonin. Duke e vendosur Ukrainën në një pozitë të fortë gjatë këtyre negociatave, ju vendosni edhe Bjellorusinë, Moldavinë dhe vendet e tjera në një pozicion të fortë”, u shpreh Tsikhanouskaya.
Ndërkohë, presidenti ukrainas, Volodymyr Zelensky, gjatë një takimi me zëvendëspresidentin amerikan, JD Vance në Mynih, tha se vendi i tij dëshiron “garanci sigurie” dhe një plan të përbashkët paqeje SHBA-Ukrainë përpara se të hyjë në ndonjë bisedë me Putinin për t’i dhënë fund luftës në vendin e tij. Në takimin e tyre të parë të premten në Konferencës e Sigurisë së Mynihut, Vance tha se Uashingtoni kërkon të sigurojë një “një paqe të qëndrueshme, që konflikti të mos rikthehet disa vite më vonë”.
Top Channel
