Hiqen nga puna qindra punonjës që mbikqyrnin rezervat e armatimit bërthamor! Mijëra punonjës federalë humbasin vendet e punës 15/02 07:56
Kremlini po mbledh një ekip negociatorësh të nivelit të lartë për t’u angazhuar në bisedime të drejtpërdrejta me Shtetet e Bashkuara për t’i dhënë fund luftës në Ukrainë.
Anëtarët e ekipit të Kremlinit nuk janë shpallur publikisht, por CNN ka mësuar se do të përfshijë figura të larta politike, inteligjence dhe ekonomike, duke përfshirë zyrtarin rus që luajti një rol kyç në prapaskenë në marrëveshjen e fundit të lirimit të të burgosurve në SHBA.
Kirill Dmitriev, një këshilltar i afërt i Putinit, do të fokusohet në rikuperimin e marrëdhënieve ekonomike midis SHBA-së dhe Rusisë, ndërsa të dy palët përpiqen arrijnë një marrëveshje paqeje Rusi-Ukrainë.
Kohët e fundit, Dmitriev ka punuar ngushtë me të dërguarin e SHBA-së për Lindjen e Mesme Steve Witkoff dhe Princin Mohammed bin Salman të Arabisë Saudite për të siguruar lirimin nga Rusia të mësuesit amerikan Marc Fogel.
Është një zotëri nga Rusia. Emri i tij është Kirill, dhe ishte shumë i rëndësishëm në këtë shkëmbim. Ai ishte një bashkëbisedues i rëndësishëm, që lidhte të dyja palët” tha Witkoff.
Dmitriev, kreu i fondit të pasurisë sovrane të sanksionuar të Rusisë, ka qenë një mbështetës i hapur i Trump nga brenda elitës politike të Rusisë, duke thënë se fitorja e tij në zgjedhjet presidenciale në SHBA “tregon se amerikanët e zakonshëm janë të lodhur nga gënjeshtrat e paprecedenta, paaftësia dhe keqdashja e administratës Biden”. Ai shtoi se fitorja e Trump hap mundësi të reja për rikuperimin e marrëdhënieve midis Rusisë dhe Shteteve të Bashkuara.
Përfshirja e Dmitriev nga Kremlini, tregon se fokusi i strategjisë negociuese të Rusisë do jetë në uljen e sanksioneve, si dhe në riparimin e lidhjeve të dëmtuara ekonomike me Perëndimin.
Top Channel
