Ankesa për Lajçak: Osmani takon për herë të dërguarin e ri për dialogun, Sorensen! 14/02 14:34
Katër ditë pas zgjedhjeve ende nuk ka nisur numërimi për votat e kandidatëve për deputetë në të gjitha qendrat komunale të numërimit.
Të enjten ka nisur numërimi për votat e kandidatëve për deputetë edhe në tetë komuna të tjera, derisa mbesin edhe 12 Qendra Komunale të Numërimit, për çka sekretariati i Komisionit Qendror të Zgjedhjeve thotë se po bëhen përgatitje për të nisur të premten.
Në mbledhjen e KQZ-së u tha se problemet me rënien e sistemit janë tejkaluar tashmë, megjithatë u kërkua edhe kalimi në planin B të numërimit, nëse përsëri do të ketë pengesa të tilla në numërim.
Për këtë opsion të kalimit në metodën e vjetër të numërimit, kryetari i KQZ-së tha se do të pritet deri në dy ditë për të nxjerrë një vendim.
Sa i përket rënies së sistemit të KQZ-së ditën e zgjedhjeve dhe dy ditë më vonë, ky institucion po pret raportin e institucioneve të sigurisë për të sqaruar nëse ka pasur ndërhyrje nga jashtë.
Në mbledhjen e së enjtes u bë e ditur se numërimi në tri qendra do të përfundojë brenda natës.
Po ashtu u njoftua se ka nisur vlerësimi i votimit me postë të votuesve nga jashtë Kosovës. Nga vlerësimi i 8,776 pakove me fletëvotime, 529 janë refuzuar.
Top Channel
