Kuvendi i Kosovës miraton raportin për verifikimin e mandateve, betohen deputetët
19/04 14:17
Arrestimi me urdhër të SPAK i kryebashkiakut të Tiranës, Erion Veliaj ka shkaktuar një tërmet të fortë politik brenda radhëve të mazhorancës.
Kjo vendimmarrje e Prokurorisë së Posaçme është cilësuar si kalim i “vijës së kuqe” nga kryeministri Rama, i cili për herë të parë që nga krijimi i SPAK foli me rezerva të forta për punë, profesionalizmin dhe metodat e përdorura nga hetuesit dhe gjyqtarët e këtij institucioni.
Në studion e Top Story në Top Channel, analistët Lorenc Vangjeli dhe Arjon Sulo janë përplasur në debat, në lidhje me mënyrën e arrestimit të Erion Veliajt dhe atë të Ilir Metës.
Pjesë nga debati:
Vangjeli: Do duhej të ndërtonte këtë standard… Do ta besonit Ramën nëse këtë gjë do ta kishte bërë më parë? Unë do të doja ta bënte sepse do ishte detyra e tij
Sulo: Ça po flet ti se s’po të kuptojmë. Çështja është, e ke parë dosjen ti?
Vangjeli: Zoti gjykatës pavarësisht këtë lloj skalete ti nuk mund të kesh. Nëse tenton ta kuptosh këtë që po them dhe nëse e shikon Shqipërinë me sytë e mia, do të ishte ndryshe?
Sulo: Si ka mundësi që ti e shikon Shqipërinë me sytë e Veliajt?
Vangjeli: Ti merresh vetëm me foton e kravatës, nuk është detaj, merret e tëra…
Sulo: Autori i rrëmbimit të Metës në Unazë është qeveria, sepse SPAK dhe BKH doli dhe tha që nuk e arrestuam ne por policia. Ai e mori si qen për ta diskredituar
Vangjeli: Shqip fola por më duhet të të përkthej, se nuk fola asgjë nga këto. Se problemi është që ti ndërron xhaketën por thua të njëjtat gjëra.
Top Channel
