Tarifat reciproke të SHBA-së, Shqipëria dhe Kosova me 10% tarifa, Serbia 37%, Bosnja 35% dhe RMV me 33% 02/04 23:06
Kryeministri Edi Rama ka komentuar sërish arrestimin e kryebashkiakut Erion Veliaj me urdhër të SPAK.
Në rubrikën “Sy m’sy” ku foli gjatë për kryebashkiakun Veliaj pasi u la në arrest me burg, Rama tha se Partia Socialiste e ka në ADN-në e vetë luftën për të bërë shtet dhe aty ku ka korrupsion duhet të dënohet, por vetëm me prova.
“O zotëri, ne jemi një vend që s’jemi Gjermania, as Zvicra, as Franca që i kanë sistemet e deklarimeve e sistemet bankare qysh kur s’mbahet mend. Po ne jemi vendi me sasinë më të madhe të cash-it në Europë sepse pjesa e madhe e njerëzve nuk besojnë tek bankat akoma se i ka tmerruar diktatura. Dy janë mëkatet më të mëdha të kapitalizmit. Dy janë djallëzitë më të mëdha të kapitalizmit: bankat dhe taksat. Ne jemi një shtet, ku përveç punonjësve të administratës dhe biznesit, nuk deklaron njeri pasuri, nuk deklaron njeri të ardhura akoma se është fazë zhvillimi kjo. Nuk jemi një demokraci e konsoliduar, jemi një demokraci e re. Dhe si u bëka këtu historia, të kërkosh qimen në syrin e tjetrit dhe pastaj të mos shohësh traun? Janë punonjësit e shtetit, nuk janë të gjithë nën dyshimin e arsyeshëm se vjedhin. Kjo nuk është e papranueshme. Kjo është logjika e qorrave në rrjete sociale. Duhet ndarë kjo punë. Lufta kundër korrupsionit është luftë kundër korrupsionit.
Vazhdoni shani se në rregull e keni ju që shani, por unë nuk i negocioj as idealet e mia pse kam dalë për ta përmbysur atë sistem, ku vendoste sigurimi i shtetit dhe ku vendosnin këto lloj metodash. Nuk i negocioj as parimet e mia për çfarëdo gjëje që të jetë dhe nuk e negocioj as pozicionin e qartë të Partisë Socialiste.
Partia Socialiste e ka në ADN-në e vetë luftën për të bërë shtet. E ka në ADN-në e vetë edhe qasjen për të sakrifikuar pushtet për të bërë shtet, e ka në ADN-në e vetë, patjetër, edhe mbrojtjen e standardeve.
Nuk është Partia Socialiste një forcë politike që ka shkatërruar Shqipërinë nja 7 herë, nuk është Partia Socialiste që i ka çuar shqiptarët deri në buzën e luftës civile, nuk është Partia Socialiste që ka inkurajuar skemat piramidale, nuk është Partia Socialiste që kur është larguar për arsye të popullit, e ka lënë gropë shtetin dhe nuk mund të jetë Partia Socialiste një forcë politike që të mos jetë kërkuese për standardet dhe po ju lexoj komitetin për parandalimin e torturës së Këshillit të Europës. -u shpreh Rama.
Top Channel
