Një ngjarje e rëndë është shënuar këtë të hënë në Gjirokastër.
E. M., nxënëse e klasës së 10-të në gjimnazin “Siri Shapllo” të Gjirokastrës është gjetur pa shenja jete nga i ati dhe është transportuar për në spital.
Ajo dyshohet se është vetëvarur në banesën e saj ndërsa mjekët e urgjencës vetëm kanë konfirmuar vdekjen.
Ngjarja ka ndodhur gjatë pasdites pasi ishte kthyer nga shkolla dhe sapo ka nisur një hetim për rrethanat.
“Rreth orës 17:00, në spitalin e Gjirokastrës është çuar nga babai i saj, pa shenja jete shtetasja E. M., 17 vjeçe, banuese në Gjirokastër.
Nga veprimet paraprake, dyshohet se 17 vjeçarja është vetëvarur në banesë”, njofton policia.
Mësuesit e përshkruajnë 17-vjeçaren si vajzë të qetë me shoqëri të kufizuar dhe me rezultate të mira në shkollë. Askush nuk kishte vënë re sjellje shqetësuese të saj më parë.
Komuniteti i mësuesve dhe nxënësve është shokuar nga ngjarja e papritur.
Top Channel
