Konsiderohej e vdekur prej kohësh nga autoritetet, ja si e zbuloi lajmin shokues qytetarja 17/01 23:07
Presidenti francez, Emmanuel Macron i ka kërkuar Izraelit të tërheqë plotësisht forcat e tij nga Libani.
Macron është lideri i parë i huaj që viziton Libanin që kur u zgjodh president i ri, Joseph Aoun.
Një armëpushim i ndërmjetësuar nga Franca dhe SHBA ka qenë në fuqi në vend që nga 27 nëntori, duke i dhënë fund luftimeve midis grupit militant Hezbollah dhe Izraelit.
Si pjesë e kësaj marrëveshjeje, forcat izraelite duhet të tërhiqen nga Libani jugor brenda 60 ditëve, ndërsa Hezbollahu duhet të largojë të gjithë luftëtarët dhe armët e tij nga jugu, kryesisht përgjatë lumit Litani.
Macron gjatë vizitës së tij i ka bërë thirrje Izraelit të përshpejtojë tërheqjen e trupave të tij.
“Ushtria izraelite duhet të tërhiqet plotësisht nga Libani” tha ai, duke folur në Bejrut përkrah presidentit të ri, Joseph Aoun, i cili komandonte ushtrinë libaneze, derisa parlamenti e zgjodhi atë si kreun e shtetit më 9 janar. Theksojmë se ushtria libaneze nuk ka asnjë lidhje me Hezbollahun.
“Ne mbështesim fuqinë e shtuar të forcave të armatosura libaneze dhe vendosjen e tyre në jug. Ushtria libaneze përbën një shtyllë të sovranitetit të Libanit.”, shtoi Macron.
Ai gjithashtu tha se ushtria libaneze duhet të ketë një monopol total mbi armët.
Top Channel
