Konsiderohej e vdekur prej kohësh nga autoritetet, ja si e zbuloi lajmin shokues qytetarja 17/01 23:07
Drejtori i Palestinës për Programin Botëror të Ushqimit të Kombeve të Bashkuara (WFP), Antoine Renard tha se OKB-ja është e gatshme të dërgojë ndihma në Gaza dhe se të gjitha vendkalimet duhet të hapen pas marrëveshjes për armëpushim.
Marrëveshja mes Hamasit dhe Izraelit thotë se ndihmat humanitare në Gaza do të rriten deri në 600 kamionë në ditë.
“Duke parë arritjen e armëpushimit, ne kemi gjithçka që duhet përmes korridoreve të ndryshme, Egjiptit, Ashdodit në Izrael ose përmes Amanit për të mbuluar nevojat e njerëzve. Jemi në gatishmëri”, tha Renard për CNN.
Shumë pika hyrëse të ndihmave në Gaza janë mbyllur nga autoritetet izraelite, duke përfshirë kalimin në Rafah, i vetmi vendkalim kufitar midis Gazës dhe Egjiptit. Dikur një nga pikat më të mëdha dhe më të rëndësishme të futjes së ndihmave në Gaza, i cili është mbyllur që nga maji i vitit 2024, kur Izraeli e mori nën kontroll.
Pika të tjera hyrëse të ndihmës kanë qenë të hapura me akses të kufizuar.
Sipas të dhënave nga Zyra e Kombeve të Bashkuara për Koordinimin e Çështjeve Humanitare, vetëm 614 kamionë me ndihma hynë në Gaza nga 1 janari deri më 13 janar, data e fundit që agjencia ka regjistruar.
COGAT, agjencia izraelite përgjegjëse për koordinimin e ndihmave në Gaza, tha se 335 kamionë ndihma hynë në Gaza përmes vendkalimeve Kerem Shalom dhe Erez të enjten dhe se 188 kamionë janë marrë nga banorët e Gazës.
Renard tha se marrëveshja e armëpushimit ishte “një mesazh shprese” për banorët e Gazës. Ai shtoi se WFP nuk po i bënte thirrje vetëm Izraelit që të hapte të gjitha pikat e kalimit të ndihmës dhe por edhe donatorëve të tij ndërkombëtarë.
“Sfida më e madhe për të futur ndihma në Gaza në tre muajt e fundit ka qenë grabitja nga bandat kriminale”, përfundoi Renard.
Top Channel
