Biden dhe Trump “bashkojnë forcat”! Përpjekje për armëpushim në Gazë para 20 janarit 11/01 15:56
Hetuesit ukrainas janë duke marrë në pyetje dy ushtarë nga Koreja e Veriut, të cilët u zunë nga forcat ukrainase në rajonin Kursk të Rusisë, tha të shtunën presidenti i Ukrainës, Volodymyr Zelensky.
“Këta janë dy ushtarë që, megjithëse të plagosur, mbijetuan dhe u dërguan në Kiev, ku po flasin me hetuesit e SBU-së [Shërbimi i Sigurisë i Ukrainës]”, tha Zelensky në Telegram.
Zelensky postoi në Telegram gjithashtu edhe fotografi të ushtarëve për të cilët thotë se janë kapur.
Kjo është hera e parë që autoritetet ukrainase publikojnë pamje të ushtarëve të kapur koreanoveriorë.
Vitin e kaluar, Moska i dërgoi rreth 11.000 ushtarë koreanoveriorë në Kursk për të mbështetur forcat ruse në rajon, i cili është pjesërisht nën kontrollin e forcave ukrainase që nga gushti.
Në fjalimin e tij të përditshëm të hënën, Zelensky tha se ofensiva e Kurskut ishte e rëndësishme në parandalimin e ridrejtimit të trupave ruse në Donetsk dhe rajone të tjera në Ukrainën lindore dhe jugore.
Top Channel
