28 parti në garë, nis zyrtarisht fushata për zgjedhjet parlamentare në Kosovë
11/01 09:05
Reshjet e borës krijuan vështirësi në qarkullim nëpër gjithë Kosovën të shtunën. Rrugët ishin të kalueshme, megjithatë të mbuluara me borë.
Policia e Kosovës u bëri thirrje qytetarëve që të kenë kujdes gjatë ngasjes së veturës.
“Bazuar në situatën e tanishme ku kemi ndryshim të kushteve atmosferike dhe reshje të borës, Policia e Kosovës apelon tek të gjithë pjesëmarrësit në trafik, në veçanti shoferëve të automjeteve për kujdes të shtuar, përshtatje të shpejtësisë me kushtet atmosferike dhe me gjendjen e rrugës, mbajtje të distancës mes mjeteve si dhe ngadalësim gjatë lëvizjes në rrugë të mbuluara me borë dhe me ngrica”, thuhet në apelin e policisë.
Në kryeqytet pati reshje të dendura të borës duke krijuar shumë vështirësi në qarkullim gjatë ditës.
Kryetari i Komunës së Prishtinës, Përparim Rama njoftoi se janë shtuar kapacitetet për të pastruar rrugët.
“Lusim qytetarët të kenë mirëkuptim dhe kujdes gjatë lëvizjes, ndërsa ekipet tona vijojnë të jenë të angazhuara për t’i shërbyer qytetarëve”, tha Rama.
Ndërkohë që për rrugët nacionale të cilat po ashtu të shtunën ishin të mbuluara nga bora, zëvendësministri i Infrastrukturës, Hysen Durmishi njoftoi se të gjitha rrugët janë të kalueshme.
“Të gjitha rrugët janë të kalueshme me gjithë reshjet e vazhdueshme. Ju bëjmë thirrje të gjithë pjesëmarrësve në komunikacion që të vozisin me kujdes duke respektuar rregullat dhe duke ju përshtatur kushteve në komunikacion”, tha Durmishi.
Sipas parashikimit të motit reshje të borës priten edhe ditëve në vazhdim.
Top Channel
