Përplasen dy tramvaje në Strasburg/ Dhjetëra të plagosur, pamjet nga situata kaotike në stacion 11/01 18:58
Protesta të dhunshme kanë shpërthyer në Kinë pasi vdekja e një adoleshenti shkaktoi akuza ndaj autoriteteve për fshehjen e ngjarjes.
Në videot e verifikuara nga CNN, dhjetëra protestues shihen duke u përplasur me policinë jashtë Shkollës Teknike Profesionale Pucheng, me disa shkopinj dhe objekte të tjera.
Një nga protestuesit u pa duke hedhur një fikse zjarri në një derë dhe thyer xhamin e saj.
Shkaku i protestave është vdekja e një studenti adoleshent me mbiemrin Dang, që ishte në vitin e tretë në shkollë. Autoritetet lokale në Pucheng kanë pretenduar se vdekja e Dang më 2 janar ishte një aksident dhe jo vrasje, por në mediat sociale kanë qarkulluar akuza se ka pasur fshehje të ngjarjes nga autoritetet.
Në një deklaratë fundjavën e kaluar të shpërndarë nga media shtetërore, autoritetet lokale pretenduan se Dang kishte pasur një përplasje verbale dhe fizike me një student të vitit të parë të quajtur Guo pasi i prishi qetësinë teksa pushonte në konvikt. Debati atë natë përfundoi pasi ndërhyri stafi i shkollës.
Rreth orës 3 të mëngjesit, një student tjetër në konviktin shkoi në tualet, ku gjeti një stol prej druri nën dritaren e ballkonit.
“Dritarja ishte e hapur dhe rrjeta metalike ishte e hequr. Dang tashmë kishte rënë nga dritarja në tokë poshtë”, tha studenti.
Organizata për të drejtat e njeriut në Kinë, një grup aktivistësh me bazë në SHBA, raportoi “rrethana të dyshimta” që çuan në vdekjen e Dang, duke përfshirë rrëfimet e dëshmitarëve për sugjerimin se ai “u shty nga çatia”.
Organizata tha se familja e Dang nuk e ka pranuar shpjegimin zyrtar të vdekjes së tij. Familja gjithashtu pretendon se fotot nga celulari i tij ishin fshirë, sipas CNN.
Top Channel
