Zjarri përfshin kodrat e Hollywood, kërcënohet “Walk of Fame”/ 7 vatra aktive në Los Angeles, kaos në rrugë 09/01 07:28
Dy anëtarë të tjerë të familjes së Kim Jong-un janë zbuluar për syrin e publikut, duke ngritur dyshime se njëri prej tyre do të jetë pasardhësi i tij si lider suprem i Koresë së Veriut.
Të fotografuar në një festë të Vitit të Ri në Phenian, mbesa dhe nipi i Kim Jong-un dolën në sy të publikut ndërsa ecnin dorë për dore nëpër qytet me nënën e tyre, Kim Yo-jong.
Vetë vajza e Kim Jong-un, Kim Ju-ae, e ka shoqëruar tashmë babanë e saj në ngjarje publike gjatë viteve të fundit, duke iu bashkuar atij për herë të parë në një inspektim të një lëshimi të madh rakete balistike ndërkontinentale në vitin 2022.
Por Koreja e Veriut nuk ka pasur ende një udhëheqëse femër, duke i shtyrë ekspertët të teorizojnë se nipi, i cili tani është i vetmi mashkull i njohur i familjes së tij, mund të jetë lideri i ardhshëm i shtetit totalitar.
Gjithsesi, mediat prej kohësh kanë përfolur se Kim Jong-un ka tre fëmijë dhe më i madhi është djalë, i cili nuk është bërë kurrë publik për syrin e botës.
Top Channel
