U filmua duke kryer marrëdhënie seksuale me të burgosurin, jepet dënimi për gardianen pornostare
06/01 20:24
Vëzhguesit e yjeve anembanë globit u mahnitën nga një skenë e mrekullueshme qiellore të premten, ndërsa Venusi shkëlqeu mbi Hënën në formë drapëri.
Planeti ishte i dukshëm me sy të lirë nga Mbretëria e Bashkuar deri në SHBA, Turqi dhe Kinë.
Venusi shpesh quhet “Ylli i Mbrëmjes” ose “Ylli i Mëngjesit,” sepse, kur është i dukshëm, shfaqet si “ylli” më i ndritshëm në qiell.
Pritet që të kemi më shumë mrekulli astronomike këtë vit të ri, pasi janari i vitit 2025 do të jetë një muaj i mirë për të vëzhguar si Venusin ashtu edhe Saturnin. Sigurohuni që të shikoni qiellin më 18 janar, pasi këto planete do të shfaqen vetëm 2.2° larg njëri-tjetrit.
Vëzhguesit e yjeve mund të jenë gjithashtu në gjendje të shohin yje që bien, duke ndriçuar qiellin, pasi shirat meteorikë Quadrantid vazhdojnë.
Ky shi meteorësh, që pritet të arrijë kulmin të shtunën, ka qenë i dukshëm që nga data 26 dhjetor dhe do të vazhdojë deri më 12 janar.
Dr. Robert Massey, zëvendësdrejtor i Shoqatës Mbretërore Astronomike në Mbretërinë e Bashkuar, tha se vëzhguesit që shpresojnë të shohin këto fishekzjarre qiellore pas perëndimit të diellit duhet të shkojnë “sa më larg ndotjes së dritës që të jetë e mundur.”
“Nëse keni kohë për të parë dhe moti është i mirë, atëherë shijojeni, sepse është një dhuratë e përkryer për Vitin e Ri,” shtoi ai.
Top Channel
