“Legjenda e Bastunit”, tani në kanalin e Youtube në Top Channel, mos e humbisni! 27/12 21:19
Nëse filmat komedi apo romancë nuk janë zhanri juaj i preferuar, atëherë filmi “Guxim” është zgjedhja e duhur për ju! Në të do të gjeni aksionin, romancën, dramën, por dhe krimin…
“Guxim” vjen me skenar dhe regji të Drilon Hoxhës, i cili është po ashtu dhe aktori protagonist i filmit. Një histori e ndaluar dashurie do të shërbejë si fitili që ndez një luftë të pamëshirshme mes dy familjesh. Implikimi i një vajze të re me një kriminel të moshuar i cili fshihet pas petkut të biznesit medoemos do të ketë një cmim për tu paguar. Pasi bie në dashuri me një djalë të ri, xhelozia e sëmurë do e shtyjë “biznesmenin” të përdorë gjithë fuqinë e tij për të ndaluar çiftin.
Në rolet kryesore interpretojnë disa nga emrat e mëdhenj të kinemasë shqiptare si Myzafer Zifla, Bujar Asqeriu, Mehdi Malka, Natasha Sela, Drilon Hoxha, Lorenc Kaja, Mimoza Marjanaku, Livia Lozi, Ardit Zela dhe të tjerë.
“Guxim” vazhdon ende të rrëmbejë kureshtjen e njerëzve dhe këtë herë vjen me një tjetër surprizë… Nga data 29 Dhjetor, filmi vjen premierë në YouTube për të gjithë ata që ende nuk kanë pasur mundësi që ta shohin apo duan që t’i rikthehen sërish! Mos e humbisni, nesër, ora 21:00!
Top Channel
