Babagjyshi vjen nga deti/ Krishtlindje ndryshe në Himarë, fëmijët marrin dhuratat në breg
25/12 15:19
Denzel Washington është bërë prift i licencuar në Kishën “Kelly Temple of God in Christ” në Nju Jork.
Aktori 69-vjeçar u pagëzua dhe mori licencën për të shërbyer si prift gjatë një ceremonie ku ishte i pranishëm dhe Kryepeshkopi Christopher Bryant, i cili ndau momentin e veçantë në Facebook.
“Ne festojmë pranimin e Rev. Denzel Washington në klerik, një ngjarje që na ka ngritur shpirtërisht”, shkroi ai, duke shpërndarë një foto të aktorit gjatë pagëzimit.
Në fjalën e tij, Washington kujtoi një thënie të nënës së tij që i thoshte pas çdo humbje të një Oskari: Njeriu jep çmimin, Zoti jep shpërblimin.
Ai gjithashtu përmendi një profeci që një grua e quajtur Ruth Green kishte bërë kur ai ishte 20 vjeç, duke thënë se Denzel do të udhëtonte botën dhe do t’u predikonte miliona njerëzve.
“Pesëdhjetë vjet më vonë, nëse Zoti mund të bëjë këtë për mua, nuk ka asgjë që Ai nuk mund të bëjë për ju”.
Washingtoni, babai i të cilit ishte pastor, shprehu falënderimet për gjithçka që Perëndia ka bërë në jetën e tij, duke përfshirë edhe bashkëshorten e tij, Pauletta Washington, e cila e shoqëroi në këtë moment të veçantë./ TAR
Top Channel
