Një atentat mafioz me një shqiptar të vdekur dhe një të plagosur ka ndodhur mesditën e sotme në Athinë.
Gazetari Artur Bibe raporton se dy personat ndodheshin në një kafe në momentin që u qëlluan nga një makinë në lëvizje. Si pasojë e disa të shtënave, një shtetas grek me orgjinë shqiptare ka gjetur vdekjen e menjëhershme.
Viktima është identifikuar si Irakli Davella, pronar i një lokali në zonën Peristeri të Athinës
Ndërsa personi tjetër, Edi Lulo ka marrë plagë dhe është dërguar me urgjencë në spital. Ai ka marrë plagë në kokë dhe bark.
Ky i fundit rezulton të ketë pasur udhëtime edhe ne Dubai.
Autorët përdorën një makinë të vjedhur herët në mëngjes sot më zonën e Peristerit.
Policia ka nisur një operacion për gjetjen e autorëve, por ende nuk ka mundur të bjerë në gjurmët e tyre.
Top Channel
