“Shko…”, pas vdekjes së nënës, Eminem performon këngën ku e sulmonte me fjalë të rënda

Gjatë performancës së tij në Abu Dhabi për Formula 1, ai performoi këngën “Without Me”, në të cilën flet për marrëdhënien e tij të komplikuar me të ëmën.

Kjo këngë përmban tekste fyese kundrejt mamasë së tij, si kënga e famshme “Cleanin Out My Closet”, të cilën ai nuk e performon më. Marrëdhënia e tij me të ëmën ishte mjaft e tensionuar dhe kjo nuk është hera e parë që reperi shpreh zemërimin ndaj saj në këngët e tij.

Hiti i tij i parë, “My Name Is” nga viti 1999, përmban gjithashtu tekste në të cilat ai e sulmon atë, duke e akuzuar për neglizhencë dhe abuzim gjatë fëmijërisë së tij.

Pasi reperi publikoi këtë këngë, Debbie e paditi djalin e saj për shpifje, duke kërkuar 10 milionë dollarë dëmshpërblim. Në fund ata u pajtuan dhe ajo mori 25,000 dollarë, por pjesa më e madhe e shumës shkoi për tarifat ligjore.

Kujtojmë se nëna e këngëtarit, Debbie Nelson, ndërroi jetë pas një beteje të vështirë me kancerin e mushkërisë.

Top Channel